Máskeý men Máskeý oblysyndaǵy ǵimarattarǵa dron shabýyly saldarynan keminde tórt adam qaza tapqan. Bul týraly reseilik BAQ habarlady. Al Ýkraina áskeri munai nysandary men qarý shyǵaratyn zaýytqa soqqy jasaǵanyn málimdedi, dep habarlaidy dalanews.kz.
Máskeý meri Sergei Sobianinniń aitýynsha, qaza tapqandardyń úsheýi Máskeý oblysynda. BAQ málimetinshe, bul - keiingi bir jyldan asa ýaqyttaǵy Ýkraina tarapynan Máskeýge jasalǵan eń aýqymdy dron shabýyly.
Shabýyl kezinde Máskeý oblysynda Úndistan azamaty kóz jumyp, taǵy úsh adam jaralanǵan. Bul týraly Úndistannyń Reseidegi elshiligi habarlady. Diplomattar oqiǵa ornyna baryp, aýrýhanada zardap shekkendermen kezdesken.
Belgorod oblysynda da bir adam qaza tapqan. Resei Qorǵanys ministrligi keiingi 24 saǵat ishinde el aýmaǵynda 1000-nan asa ýkrainalyq dron atyp túsirilgenin málimdedi.
Resei Syrtqy ister ministrligi Máskeý men Máskeý oblysyna jasalǵan jappai dron shabýylyn "terakt" dep atady. Ýkraina prezidenti Vladimir Zelenskii bul soqqylar Reseidiń shabýyldaryna jaýap retinde jasalǵanyn aitty.
