Marqum Madinaǵa qatysty birqatar aqparat pen ekeýara hat almasýdy áleýmettik jelide jariialaǵan Zeineptiń biraz ýaqyt jelide kórinbei ketýine qatysty mán-jai belgili boldy, dep habarlaidy dalanews.kz.
Jýrnalist Rýslan Ótepbaidyń aitýynsha, Zeineptiń uialy telefonyn Merki aýdandyq politsiiasy tergeý aiasynda ýaqytsha alǵan. Osyǵan bailanysty onyń telefony óship, ózi áleýmettik jelide belsendi bolmaǵan.
Jýrnalist Zeineptiń jaǵdaiyn bilý úshin onyń anasymen bailanysqanyn aitty. Belgili bolǵandai, qyzdyń jaǵdaiy jaqsy, ol aman-esen.
Politsiianyń resmi ókili telefonnyń búgin iesine qaitarylýy tiis ekenin jetkizgen.
Rýslan Ótepbai marqum Madina men Zeinep arasyndaǵy hat almasýlar tergeý barysynda zerttelip, qajet bolǵan jaǵdaida is boiynsha mańyzdy dálel retinde tirkeletinine úmit bildirdi.
Sondai-aq ol tergeý kezinde barlyq derek nazarǵa alynyp, istiń jan-jaqty ári obektivti qaralýy mańyzdy ekenin atap ótti.
