Mańǵystaýda týrizmdi damytýǵa bólingen biýdjet qarajatyn jymqyrý deregi boiynsha sot úkimi zańdy kúshine endi, dep habarlaidy dalanews.kz.
Tergeý barysynda "A" jeke kásipkerliginiń ókili oryndalǵan qurylys jumystarynyń kólemi negizsiz ulǵaitylǵan jalǵan qujattamany paidalaný arqyly Mańǵystaýdaǵy demalys bazasynyń qurylysyna jumsalǵan shyǵyndardyń bir bóligin óteý maqsatynda 117,2 mln teńge kólemindegi memlekettik sýbsidiiany zańsyz alǵany anyqtalǵan.
Sonymen qatar, nysannyń memlekettik qoldaý sharalary qoldanysqa engizilgenge deiin salynǵany jáne kórsetilgen qurylys jumystarynyń bir bóligi is júzinde oryndalmaǵany belgili boldy.
Budan bólek, qylmystyq jolmen kelgen qarajatty zańdastyrý maqsatynda jymqyrylǵan biýdjet qarajaty bank depozitine salynyp, nátijesinde 5,6 mln teńge kóleminde qosymsha kiris túsken.
Aqtaý qalalyq sotynyń úkimimen jeke kásipker asa iri mólsherde alaiaqtyq jasaý jáne qylmystyq jolmen kelgen aqshany zańdastyrý deregi boiynsha kináli dep tanylyp, oǵan 5 jyl merzimge bas bostandyǵynan aiyrý jazasy taǵaiyndaldy.
Sot úkimi zańdy kúshine endi.
