Mańǵystaý oblysynda 31 jastaǵy Jandarbek Seiilhanovqa izdeý jariialandy. Aqtóbe oblysynyń týmasy 15 tamyz kúni keshke úiinen kólikpen shyǵyp ketkennen keiin qaita oralmaǵan, dep dalanews.kz tilshisi Lada.kz basylymyna silteme jasap habarlaidy.
Munaily aýdandyq politsiia bóliminiń málimetinshe, Jandarbek Bekbergenuly Seiilhanov 1995 jyly týǵan. Ol Besshoqy aýylyndaǵy úiinen shamamen saǵat 17:00-18:00 aralyǵynda memlekettik nómiri 259 AJS 04 bolatyn Toyota Camry kóligimen shyǵyp ketken.
Jaqyndarynyń aitýynsha, er adam dostarymen kezdesip, keiin úiine qaitýdy josparlaǵan. Alaida sodan beri onyń qaida ekeni belgisiz. Uialy telefony da óshirýli.
Joǵalǵan er adamnyń boiy shamamen 170-175 santimetr, dene bitimi ortasha. Shashy qara ári qysqa, kózi qara nemese qoiý qońyr.
Úiden shyqqan kezde ústinde aq jolaqty fýtbolka, qońyr shalbar jáne qara tústi sporttyq aiaq kiim bolǵan.
Politsiia men týystary Jandarbek Seiilhanovtyń júrgen jeri týraly qandai da bir aqparat biletin nemese onyń Toyota Camry kóligin kórgen azamattardan 102, +7 (7292) 46-50-02, +7 (702) 814-13-00, +7 (707) 590-67-00 nómirlerine habarlasýdy suraidy.
