Úkimet basshysy «Taldyqorǵan-Óskemen» tasjolynyń 685-880 shaqyrymdarynda júrgizilip jatqan jóndeý jumystaryn kórip qaitty.
Barlyǵy 195 shaqyrym bolatyn osy jol ýchaskesiniń qurylysyna 71 mlrd. teńge bólingen. Buǵan deiin mundaǵy joldar III dárejeli bolsa, endigi ýaqytta ol ekinshi dárejeli jolǵa ainaldy jáne 15 jol aiyryǵymen qosylady.
Sondai-aq jol sapasyn saqtaý úshin tasjoldyń sý aǵatyn jáne sazdy jerlerine 200-den astam sý aǵatyn qubyrlar ornatyldy. Qazirgi kúni qurylys basynda 316 jumysshy istep júr, 142 tehnika jumyldyrylǵan.
Biyl kólik jolynyń 880-1073 shaqyrymdaryndaǵy jumystar bastalyp, 98 shaqyrym trassaǵa asfalt tóseledi dep josparlanǵan. Asfalt tóseletin joldyń jalpy qalyńdyǵy 80 santimetr bolady.
Saparynyń sońynda Premer-Ministr kelesi jyly jol qurylysyn tolyq aiaqtap, tranzittik dálizben kólikterdiń qatynaýyn qamtamasyz etýdi tapsyrdy jáne júrgizilip jatqan jumystardyń sapasyna oń baǵasyn berdi.
