Halyqty kómirmen qamtamasyz etý jáne baǵa erekshe baqylaýda bolýǵa tiis. Bul týraly premer-ministr Oljas Bektenov Úkimet otyrysynda málimdedi, dep habarlaidy dalanews.kz.
"Kómirdi óndirý men tasymaldaýdan bastap ony halyqqa satýǵa deiingi búkil jetkizý tizbegine qatań baqylaý ornatý qajet. Óńirlerde kómir tapshylyǵy men baǵa negizsiz ósýine jol berilmesin. Bul úderiske qatysýshylardyń barlyǵy óz jumysyn kómirmen qamtamasyz etýge arnalǵan qoldanystaǵy tsifrlyq platforma aiasynda uiymdastyrýǵa tiis", - dedi premer-ministr.
Energetika ministrligine óńir ákimdikterimen birlesip, 1 qyrkúiekke deiin óńirlerge áleýmettik mazýt jetkizý kestesin bekitý tapsyryldy.
Sonymen qatar, Qazaqstan temir joly kompaniiasymen birge bekitilgen kestege jáne kólemge sáikes energiia nysandaryna kómir men mazýtty ýaqtyly jetkizý boiynsha sharalar qabyldaý júkteldi.
