Pavlodar oblysynda jol qozǵalysy qaýipsizdigin qamtamasyz etý maqsatynda kólik áinekterin kúńgirtteýge qatysty talaptar saqtalýyna baqylaý kúsheitildi, dep habarlaidy dalanews.kz.
Kólik áinekteriniń shamadan tys kúńgirttelýi júrgizýshiniń kórý múmkindigin shektep, joldaǵy jaǵdaidy der kezinde baǵalaýyna kedergi keltirýi múmkin. Ásirese, aldyńǵy jáne aldyńǵy búiir áinekterdiń jaryq ótkizý deńgeiine qoiylatyn talaptardy saqtaý óte mańyzdy.
Politsiia qyzmetkerleri Pavlodar - Qyzylorda tasjolynda aldyńǵy búiir áinegine jabyn japsyrylǵan kólikti toqtatqan.
Sondai-aq, Pavlodar qalasynda Toyota kóliginiń júrgizýshisi aldyńǵy áinegine jaryq ótkizýdi shekteitin jabyn japsyrylǵan kólikti basqarǵany anyqtaldy.
"Tehnikalyq reglament talaptaryna sáikes kelmeitin kólikti basqarǵan júrgizýshiler ákimshilik jaýapkershilikke tartyldy", - dedi Pavlodar oblysy PD ákimshilik politsiia basqarmasy bastyǵynyń mindetin atqarýshy Aidyn Nurymov.
