Vladımır Zelenskıı Harkovqa barǵan saparynda qıraǵan qalany aralap, qala basshylyǵymen kezdesip, shahardy qaıtadan qalypqa keltirý máselesin talqylady. Sonymen qatar Zelenskıı áskerılermen kezdesip, olardy memlekettik nagardalarmen marapattady.
Harkov qalasynyń áskerı ákimshiliginiń basshysy Oleg Sınegýbov prezıdent aldynda baıandama jasap, orys okýpanttary áskerı shabýyly saldarynan qaldaǵy 2229 kópqabatty úı búlingenin, 225 úıdiń tolyqtaı talqandalǵanyn aıtty.
Harkov qalasynyń soltústik-shyǵys bóliginde yqsham aýdandardaǵy turǵyn úılerdiń 30,2%-y qatty búlingeni belgili boldy.
Zelenskıı qalaǵa jasaǵan jumys saparynda zymyranmen soqqy berilgen oblystyq ákimshilik ǵımaraty men búlingen turǵyn úılerdi óz kózimen kórdi.
– Keńes zamanynda salynǵan panel úıler soǵystan qatty zardap shekenin kórip júrimiz. Soǵys aıaqtalǵannan keıin elimizdegi panel úılerdi súrip tastap, zaman talabyna saı sapaly úıler salýdy oılastyrýymyz kerek. Bul úshin qala ákimdigi qajetti nesıe kózderin tabatyn bolady. Memleket bul baǵyttaǵy jumystarǵa barynsha qoldaý kórsetedi, – dedi Zelenskıı.
