15 tamyzda Almatynyń Ortalyq stadionynda ótken Kane Ýestiń kontserti halyqaralyq týr aiasynda uiymdastyrylyp, 31 myń kórermendi jinady, dep habarlaidy dalanews.kz.
Is-sharaǵa álemniń 50-den astam elinen shamamen 7700 týrist kelgen. Olardyń qatarynda Qyrǵyzstan, Ózbekstan, Resei, BAÁ, AQSh, Qytai, Ulybritaniia, Germaniia jáne Avstraliia azamattary bar.
Freedom Afisha men First Media Group uiymdastyrýshylarynyń málimetinshe, sheteldik qonaqtardyń kelýi qonaqúilerge, kólik qyzmetterine, meiramhanalar men basqa da servisterge suranysty arttyrǵan. Týristik aǵynnyń nátijesinde qalyptasqan ekonomikalyq áser shamamen 5 mlrd teńgege baǵalanyp otyr.
Almaty ázirge Kane Ýestiń Ortalyq Aziiadaǵy týr baǵdarlamasyna engen jalǵyz qala boldy.
Almaty qalalyq týrizm basqarmasynyń basshysy Ǵaliia Toqseiitovanyń aitýynsha, 13–16 tamyz aralyǵynda qaladaǵy ornalastyrý oryndarynyń ortasha júktemesi 98%-ǵa jetken.
Kontsert ótetin kúni qaýipsizdik pen uiymdastyrý jumystaryna 4400-den astam adam jumyldyryldy. Olardyń qatarynda kúzet qyzmetkerleri, politsiia, qalalyq qyzmet ókilderi, tehnikalyq mamandar men meditsina qyzmetkerleri boldy.
