14 tamyzda Almatydaǵy Ortalyq stadionda ótetin Kane Ýestiń kontsertine 40 myńnan astam kórermen keledi. Osyǵan bailanysty qala politsiiasy kontsert ótetin aýmaqta qaýipsizdik sharalaryn kúsheitedi, dep habarlaidy dalanews.kz.
Almaty politsiiasynyń málimetinshe, kórermenniń stadionǵa rettelgen túrde kirýi úshin úsh jaǵynan 40 kireberis qarastyrylǵan. Biletterdi tekserý saǵat 16:00-de bastalady. Stadionǵa kirer aldynda barlyq kelýshi tekserýden ótedi. Kontsert aýmaǵyna bileti nemese akkreditatsiiasy bar adamdar ǵana jiberiledi.
Politsiia kórermenderdi stadionǵa aldyn ala kelýge jáne kireberiste tártip saqshylarynyń, qaýipsizdik qyzmetkerleri men eriktilerdiń nusqaýlaryn oryndaýǵa shaqyrdy.
"Bizdiń basty mindetimiz - kontsertke keletin ár adamnyń qaýipsizdigin qamtamasyz etý. Kireberis tobyn aldyn ala anyqtap, politsiia qyzmetkerleriniń, qaýipsizdik qyzmeti men eriktilerdiń nusqaýlaryn oryndaýdy suraimyz", – dedi Timýr Noǵaibaev.
Kontsert ótetin kúni politsiia Ortalyq stadion men oǵan irgeles aýmaqtarda patrýldeýdi kúsheitedi.
Sonymen qatar is-shara aiaqtalǵannan keiin kórermenniń stadionnan qaitýyn jeńildetý úshin qoǵamdyq kólik pen qosymsha shattldar uiymdastyrylady.
