Izrail Siriianyń soltústik-batysyndaǵy Ábý ád-Dýhýr áskeri áýe bazasyna soqqy jasaǵanyn rastady. Tel-Aviv shabýylǵa Túrkiianyń bazaǵa áskeri kúshterin ornalastyrý qaýpi sebep bolǵanyn málimdedi, dep habarlaidy dalanews.kz.
Reuters málimetinshe, Izrail premer-ministri Biniamin Netaniahýdyń keńsesi Siriia Túrkiia áskeri bazada ornalasýyna ruqsat berý arqyly qaýipsizdik salasyndaǵy kelisilgen jaǵdaidy buzýǵa jaqyndaǵanyn aitqan.
Izrail tarapy Siriiaǵa túrik áskeri munda ornalastyrylǵan jaǵdaida bul eldiń qaýipsizdigine qaýip tóndiretinin birneshe ret eskertkenin málimdedi. Alaida Damask bul eskertýlerdi elemegen.
Siriianyń memlekettik Ekhbariya telearnasy áskeri derekkózge silteme jasap, Izrail Ábý ád-Dýhýr bazasyna segiz ret áýe soqqysyn jasaǵanyn habarlady. Soqqylar ushý-qoný jolaǵy men qoimalardy nysanaǵa alǵan. Shabýyldan adam qaza tapqany nemese jaralanǵany týraly aqparat joq.
Túrkiia Izraildiń áreketin qatań aiyptady. Túrkiia Syrtqy ister ministrligi Tel-Avivtiń Ankara Siriiadaǵy bazaǵa ásker ornalastyrý arqyly Izrailge qaýip tóndiredi degen málimdemesin negizsiz dep atady.
Reuters málimetinshe, AQSh ta Izraildiń shabýylyna alańdaýshylyq bildirdi. AQSh-tyń Siriia jáne Irak jónindegi arnaiy ókili Tom Barrak áýe soqqysyn aimaqtyq turaqtylyqqa yqpal etpeitin «qajetsiz shielenis» dep baǵalady.
Vashington qazirgi ýaqytta Izrail, Túrkiia jáne Siriia arasynda áskeri qaqtyǵystardyń aldyn alýǵa baǵyttalǵan bailanys tetigin qurý jumystaryn júrgizip jatyr.
