Irannyń ońtústigindegi Hormozgan provintsiiasynda úilený toiy ótip jatqan kezde soqqy jasalyp, birneshe adam qaza tapty. Taǵy ondaǵan turǵyn jaraqat alǵan, dep habarlaidy dalanews.kz.
Iran biliginiń málimetinshe, shabýyl saldarynan tórt adam kóz jumǵan. Al keibir aqparat quraldary Irannyń Qyzyl jarty ai qoǵamyna silteme jasap, qaza tapqandar sany bes adamǵa jetkenin jazdy.
Hormozgan provintsiiasy gýbernatorynyń orynbasary Ahmad Nafistiń aitýynsha, oqiǵadan 68 adam zardap shekken.
Iran tarapy shabýyldy AQSh jasady dep málimdep otyr. El parlamentiniń ulttyq qaýipsizdik jáne syrtqy saiasat komitetiniń basshysy Ebrahim Azizi bul oqiǵanyń jaýapsyz qalmaitynyn aitty.
"Kýhestaktaǵy úilený toiyna shabýyl jasap, beibit turǵyndardy óltirý – adam quqyǵyn qorǵaýshy bolyp kórinetinderdiń kúizeliske ushyraǵanynyń aiqyn dáleli. Olar buǵan deiin Minab pen Lamerdte jasaǵan qatygezdikterin qaitalap otyr. Bul qylmystar jazasyz qalmaidy", – dedi Azizi.
Ol sondai-aq shabýylǵa qatysy bar adamdar Iran qarýly kúshteriniń jaýabynan qutyla almaitynyn málimdedi.
Ázirge qaza tapqandardyń naqty sanyna qatysty túrli málimet aitylyp otyr.
