AQSh pen Iran Ormýz buǵazyn ashý jáne joǵary baiytylǵan ýran qoryn joiýdy kózdeitin printsiptik kelisimge keldi, dep habarlaidy dalanews.kz.
New York Times málimetinshe, kelisim Taiaý Shyǵystaǵy shielenisti báseńdetýi múmkin. Alaida qujatty eki el basshylyǵynyń túpkilikti maquldaýy birneshe kúnge sozylýy yqtimal.
Basylym kelisimniń naqty sharttary ázirge tolyq belgisiz ekenin habarlady. Ásirese, Ormýz buǵazy arqyly keme qozǵalysy qanshalyq jyldam qalpyna keletini jáne Iran buǵazdaǵy baqylaýyn saqtap qala ma, joq pa, belgisiz.
Fox News telearnasynyń málimetinshe, AQSh pen Iran kelisimniń 95 paiyzy boiynsha ortaq mámilege kelgen. Qazir taraptar Tegerannyń iadrolyq baǵdarlamasy men Ormýz buǵazyn baqylaýǵa qatysty tujyrymdardy talqylap jatyr. Kelisimge qol jetkizilmese, AQSh tarapy áskeri is-qimyldy qaita bastaý múmkindigin de joqqa shyǵarmaidy.
Axios málimetinshe, Vashington men Tegeran jaqyn arada 60 kúndik ózara túsinistik týraly memorandýmǵa qol qoiýy múmkin. Qujatta bul merzimdi eki taraptyń kelisimimen uzartý múmkindigi qarastyrylǵan.
Buǵan qosa, AQSh Iran porttaryna qoiylǵan blokadany alyp tastaýy múmkin. Al Tegeran iadrolyq qarý jasamaýǵa mindetteme alady.
