AQSh-tyń Ortalyq qolbasshylyǵy (CENTCOM) Irandaǵy strategiialyq nysandarǵa ekinshi márte áýe shabýylyn jasady. Buǵan jaýap retinde Iran zymyrandar men ushqyshsyz ushý apparattaryn AQSh-tyń Taiaý Shyǵystaǵy áskeri bazalary ornalasqan Kýveit pen Bahrein aýmaǵyna baǵyttady, dep habarlaidy dalanews.kz.
AQSh prezidenti Donald Tramp Túrkiiada ótken NATO sammiti aiasynda beibit kelisimniń júzege aspai qalǵanyn málimdedi. Sonymen qatar ol qaqtyǵys uzaqqa sozylmaitynyna senimdi ekenin aityp, «bári óte tez aiaqtalady» dep málimdedi.
Iran parlamentiniń spikeri Mohammad Bager Ǵalibaf Ormýz buǵazy tek Irannyń talaptary negizinde ǵana ashylatynyn, «AQSh-tyń qysymymen emes» ekenin aitty.
Sondai-aq Iran Iadrolyq qarýdy taratpaý týraly shart (DNIaQT) quramynan shyǵýy múmkin ekenin jáne áskeri iadrolyq doktrinasyn qaita qarastyratynyn eskertti.
Beibit kelisimniń buzylýy aiasynda álemdik munai naryǵynda baǵa kúrt ósip, Brent markaly munaidyń quny birden 5%-ǵa qymbattap, barreline 80 dollarǵa jýyqtady.
