Indoneziianyń shyǵysyndaǵy Flores aralynda bolǵan magnitýdasy 7,7 jer silkinisinen qaza tapqandar sany 68-ge jetti. 200-den astam adam jaraqat alǵan, dep habarlaidy dalanews.kz.
Jer silkinisi 15 tamyzda Shyǵys Nýsa-Tengara provintsiiasynyń jaǵalaýynda bolǵan. Tabiǵi apattan keiin aimaqta 1,6 myńǵa jýyq aftershok tirkeldi. Dúmpýler saldarynan kóshkinder júrip, birqatar joldar jabylyp, qutqarý jumystary qiyndaǵan.
Myńdaǵan turǵyn qaýipsiz jerge evakýatsiialandy. Kóptegen adam úilerine qaita oralýǵa qorqyp, shatyrlarda túnep jatyr. Qutqarýshylar qiraǵan ǵimarattardyń úiindilerin tekserip, zardap shekkenderge kómek kórsetýde.
Jergilikti biliktiń málimetinshe, shamamen 500 úi zaqymdanǵan. Keibir eldi mekenderde aýyz sý, azyq-túlik jáne meditsinalyq kómek tapshylyǵy baiqalady.
Bilik zardap shekken aýdandarǵa azyq-túlik pen shatyrlar jetkizý úshin ushaqtar daiyndap, birneshe jerde ýaqytsha dalalyq aýrýhana ashýdy josparlap otyr. Aimaqqa 3,5 myńnan astam áskeri qyzmetshi men politsiia jiberilgen.
Qutqarý operatsiiasy jalǵasyp jatyr.
