IIM qazaqstandyqtardyń jeke deregi satylymǵa shyǵarylǵany týraly aqparatqa qatysty pikir bildirdi, dep habarlaidy dalanews.kz.
"Qazaqstan azamattarynyń jeke deregi satylymǵa shyǵaryldy" degen aqparat qoǵamda alańdaýshylyq týǵyzǵany baiqaldy. Ishki ister ministrligi osy aqparatty teksergen.
"Búgingi tańda eGov portalyna zańsyz kirý nemese qol jetkizý deregi tirkelgen joq. Sonymen qatar, mundai habarlandyrý jariialanýy nazardan tys qalǵan joq. Qazir habarlandyrýdy jariialaǵan tulǵany, usynylyp otyrǵan derek qaidan alynǵanyn, sondai-aq, olardy zańsyz alýǵa jáne taratýǵa qatysy bar barlyq adamdy anyqtaý boiynsha qajet sharalar qabyldanyp jatyr", - dep jazylǵan habarlamada.
Ministrlik eshkim jaýapkershilikten jaltara almaitynyn málimdedi. Bul jumys Ishki ister ministrliginiń erekshe baqylaýynda.
