Aqmola oblysynda shetelden kólik jetkizip berýge ýáde etken tanysyna milliondaǵan teńge bergen turǵyn san soǵyp qaldy, dep habarlaidy dalanews.kz.
Oblystyq politsiia departamentiniń habarlaýynsha, oqiǵa Astrahan aýdanyndaǵy aýyldardyń birinde bolǵan. 2024 jyldyń qazan aiynda jergilikti turǵynnyń aýyldasy oǵan Grýziiadan Toyota Highlander markaly avtokólik ákelýge kómektesetinin aitqan.
Onyń sózine sengen er adam kólik satyp alý úshin 3,1 mln teńge tabystaǵan. Alaida arada ýaqyt ótse de, avtomobil Qazaqstanǵa jetkizilmegen. Tapsyrys oryndalmaǵan soń jábirlenýshi bergen qarjysyn qaitarýǵa árekettengenimen, nátijesiz bolǵan.
Osydan keiin turǵyn politsiiaǵa aryzdandy. Atalǵan derek boiynsha alaiaqtyq babymen qylmystyq is qozǵalyp, tergeý bastaldy. Qazir tártip saqshylary oqiǵanyń mán-jaiyn anyqtap, tiisti tergeý amaldaryn júrgizip jatyr.
