Frantsiialyq tanymal kinoprodiýser Nikolia Altmaier men onyń jubaiy, Dior sán úiiniń qoǵammen bailanys bóliminiń jetekshisi Matilda Fave Frantsiianyń batysynda bolǵan jol apatynan qaza tapty. Bul týraly jergilikti bilik ókilderi málimdedi, dep habarlaidy dalanews.kz.
Jol-kólik oqiǵasy dúisenbi kúni bolǵan. Erli-zaiypty otyrǵan kólik basqa avtomobildi basyp ozý kezinde qarsy baǵytta kele jatqan júk kóligimen soqtyǵysqan. Matilda Fave 57 jasta, al Nikolia Altmaier 61 jasta bolǵan.
Nikolia Altmaier týǵan baýyry Erikpen birge Mandarin & Compagnie prodiýserlik kompaniiasyn basqarǵan. Aǵaiyndy Altmaierler "OSS 117", "Brice de Nice" jáne Nikolia Sarkozidiń saiasi mansabyna arnalǵan "Conquest" filmderin túsirýge atsalysqan.
2017 jyly aǵaiyndylar Frantsiiadaǵy jyldyń úzdik prodiýserlerine beriletin Daniel Toskan diý Plante syilyǵyn ielengen.
Erli-zaiyptylardyń qazasynan keiin kino, sán jáne saiasat salasynyń ókilderi olardyń jaqyndaryna kóńil aitty. "OSS 117" filminde basty róldi somdaǵan akter Jan Diýjarden bolǵan jaǵdaidy "orasan qaiǵy ári aýyr soqqy" dep atady.
