Astanada feldsher Uldana Myrzýannyń ólimine qatysty qylmystyq is boiynsha sot otyrysy jalǵasty, dep habarlaidy dalanews.kz.
Dala News tilshisiniń málimetinshe, 18 tamyzda Astana qalasynyń qylmystyq ister jónindegi aýdanaralyq sotynda is boiynsha aldyn ala tyńdaý bastalǵan. Isti sýdia Merýert Abaeva qarap jatyr.
Sot otyrysyna eki memlekettik aiyptaýshy Nurdáýlet Abýov pen Saiajan Serikova, qaza bolǵan feldsherdiń anasy Salima Omarova jáne marqumnyń jubaiy Ádilet Zeinel qatysyp otyr.
Aita keteiik, Joǵarǵy sot sot otyrysynyń tikelei transliatsiiasyn ashyq qoljetimdilikke usyndy.
Is boiynsha sottalýshylar oryndyǵynda Ýldana Myrzýan qaza bolǵan úidiń OSI tóraiymy Saýle Jýbaniiazova otyr. Aldyńǵy sot otyrysynda ol óz kinásin moiyndamaitynyn málimdegen.
Buǵan deiin Ádilet Zeineldiń advokaty Murat Maýmetov jýrnalisterge onyń jábirlenýshi mártebesinen bas tartyp, bul mártebeni Ýldananyń anasyna berýdi suraitynyn aitqan. Alaida sot bul ótinishti qanaǵattandyrmaǵan. Ádilet Zeinel jýrnalisterge túsinikteme berýden bas tartty.
Ýldananyń anasynyń advokaty Nursultan Orynbekovtiń aitýynsha, qylmystyq is QR Qylmystyq kodeksiniń 254-baby, «Mindetterge adal qaramaý» baby boiynsha qaralyp jatyr.
