Eýropaǵa teńiz arqyly jetpek bolǵan ondaǵan migrant qaza tapty, dep habarlaidy Dalanews.kz.
Euronews málimetinshe, Jerorta teńizindegi Lampedýza araly mańynan migranttar otyrǵan qaiyq tabylyp, keminde 19 adamnyń kóz jumǵany anyqtaldy. Taǵy bes adamnyń jaǵdaiy aýyr.
Qutqarýshylar qaiyqty halyqaralyq sýda, Lampedýza aralynan shamamen 160 shaqyrym qashyqtyqta baiqaǵan. Bortta barlyǵy 77 adam bolǵan. Qutqarý toby jetken kezde keibiri qaitys bolyp úlgergen. Aldyn ala málimet boiynsha, olar sýyqqa tońyp jáne qaiyq ishinde jinalǵan janarmai býlarynan ýlanǵan.
Lampedýza - Jerorta teńizi arqyly Eýropaǵa ótýdi kózdeitin migranttar úshin negizgi baǵyttardyń biri. Halyqaralyq kóshi-qon uiymynyń deregine sáikes, jyl basynan beri osy baǵyttyń ortalyq bóliginde 600-den astam adam qaza tapqan nemese habar-osharsyz ketken. Ótken jyly bul kórsetkish 1300-den asqan.
Taǵy bir qaiǵyly oqiǵa Egei teńizi aimaǵynda, Túrkiianyń Mýgla provintsiiasy jaǵalaýynda boldy. Onda úrlemeli qaiyq aýdarylyp, taǵy 19 adam kóz jumdy. Qaza tapqandardyń arasynda bir bala bar.
Túrkiia jaǵalaý kúzetiniń málimetinshe, qaiyq patrýl talabyna toqtamai, joǵary jyldamdyqpen qashýǵa árekettengen, keiin aýdarylǵan. Keminde 20 adam qutqaryldy.
Bilik ókilderi qaiyqtaǵy barlyq jolaýshynyń Aýǵanstan azamattary bolǵanyn jáne Grekiia araldaryna baǵyt alǵanyn málimdedi.
Grekiia men Italiia soǵys pen kedeilikten qashqan migranttar úshin Eýroodaqqa kirýdiń negizgi qaqpasy bolyp otyr. Alaida olardyń kóbi ashyq teńizge jaramsyz shaǵyn qaiyqtarmen qaýipti saparǵa shyǵady.
