Eýroodaq Temu marketpleisine qaýipti taýarlar úshin 200 mln eýro aiyppul saldy, dep habarlaidy dalanews.kz.
Eýropalyq komissiia júrgizgen tekserý nátijesinde Temu platformasynda satylǵan keibir qýattaǵysh qurylǵylardyń qaýipsizdik talaptarynyń eń qarapaiym synaqtarynan da ótpegeni anyqtaldy. Sondai-aq birqatar oiynshyqtyń quramynda ruqsat etilgen mólsherden joǵary himiialyq zattar bolǵany jáne olardyń balalardyń tunshyǵýyna sebep bolýy múmkin ekeni aityldy. Budan bólek, saýda alańynda zańsyz taýarlardyń da satylǵany habarlandy.
Temu kompaniiasy bul sheshimmen kelispeitinin málimdep, aiyppul kólemin "shamadan tys" dep atady. Kompaniia ókilderiniń sózinshe, sheshim 2024 jylǵy jaǵdailarǵa qatysty qabyldanǵan jáne platformanyń qazirgi jaǵdaiyn kórsetpeidi.
Temu 28 tamyzǵa deiin anyqtalǵan zańbuzýshylyqtardy joiý jónindegi josparyn usynýy tiis. Odan keiin Eýropalyq komissiia eki ai ishinde usynylǵan sharalardy baǵalaidy.
