Elimizde jyl basynan beri 17 esirtki zerthanasy joiyldy, dep habarlaidy dalanews.kz.
IIM málimetinshe, alǵashqy jeti aida 4,5 myń derek tirkelgen. Zańsyz esirtki ainalymyna qarsy júrgizilgen jumystar nátijesinde sintetikalyq esirtki óndiretin 17 jasyryn tsehtyń qyzmeti toqtatylǵan.
Sonymen qatar, 7 uiymdasqan qylmystyq toptyń joly kesilip, 12 qylmystyq is qozǵalǵan. 9 uiymdastyrýshy men 41 qatysýshy ustalǵan.
"Esirtkige qarsy is-qimyl barysynda zańsyz ainalymnan 865 keli esirtki tárkilendi. Bul milliondaǵan doza esirtki zańsyz ainalymǵa túsýine jol berilmegenin bildiredi. Jyl basynan beri kámeletke tolmaǵan 55 adam ustaldy. Olardyń 32-siniń esirtki ótkizýge qatysy bar", - dedi IIM ókili.
