«Ádilet» partiiasynyń III kezekten tys sezinde Quryltai depýtattyǵyna kandidattardyń partiialyq tizimi bekitildi. Alaida tizimnen qazirgi Májilistegi birqatar tanymal depýtattardyń esimderi oryn alǵan joq, dep habarlaidy dalanews.kz.
Atap aitqanda, partiialyq tizimge birmandatty okrýgten sailanǵan depýtattar Ermurat Bapi, Baqytjan Bazarbek, Aidos Quspan, Rinat Zaiytov jáne Maqsat Tolyqbai engizilmedi.
Jýrnalisterdiń bul týraly qoiǵan saýalyna Májilis depýtaty Erlan Sairov jaýap berip, kandidattardy irikteý máselesi partiia basshylyǵynyń quzyretine jatatynyn aitty.
«Ádilet» degen jańa partiia ǵoi. Ol jerde partiianyń basshylyǵy bar, partiianyń menedjmenti bar. Sondyqtan bul suraqqa sol saiasi menedjmenttiń ókilderi jaýap berýi qajet dep oilaimyn. Jańa quramnyń shamamen 85 paiyzy Qazaqstan saiasatynda buryn bolmaǵan jańa tulǵalar. Sondyqtan bul jerdegi eń negizgi maqsat kelesi jas býyndy saiasi sahnaǵa shyǵarý», – dedi Erlan Sairov.
Sonymen qatar partiialyq tizimge Memlekettik keńesshi Erlan Karin, burynǵy oqý-aǵartý ministri Ashat Aimaǵambetov, zańger Marat Báshimov, Joǵary aýditorlyq palatanyń burynǵy tóraiymy Natalia Godýnova, depýtat Konstantin Avershin, saiasattanýshy Marat Shibutov, burynǵy AHQO basshysy Renat Bekturov, qoǵam qairatkerleri Raýan Kenjehanuly, Gúlzira Atabaeva, Snejanna Imasheva jáne ózge de kandidattar endi.
Aita keteiik, «Ádilet» partiiasynyń III kezekten tys sezi Astanada ótti. Delegattar sezde partiianyń sailaýaldy baǵdarlamasyn, Quryltai depýtattyǵyna kandidattardyń tizimin bekitip, jarǵyǵa ózgerister engizdi. Partiia jańa Konstitýtsiia aiasynda ótetin alǵashqy Quryltai sailaýyna qatysatynyn málimdedi.
