Búgin Memleket basshysy Nursultan Nazarbaevtyń Jarlyǵymen Erlan Saǵadiev Qazaqstan Respýblikasynyń Bilim jáne ǵylym ministri qyzmetine taǵaiyndaldy.
Erlan Kenjeǵaliuly Saǵadiev 1966 jyly 29 qyrkúiekte dúniege kelgen. 1990 jyly «ekonomika» mamandyǵy boiynsha Ál-Farabi atyndaǵy Qazaq ulttyq ýniversitetin támamdaǵan, biliktiligi ekonomist. 1993 jyly Minnesota shtatynyń Ýniversitetin bitirdi, AQSh-tyń Minneapolis qalasynda Qoldanbaly ekonomika departamentiniń ǵylym magistri ǵylymi dárejesi bar.
Eńbek jolyn 1990 jyly Syrtqy ister ministrliginiń Qoldanbaly ekonomika departamentiniń halyqaralyq ekonomikalyq qatynastardy damytý jónindegi ekinshi hatshysy laýazymynan bastaǵan. Dúniejúzilik bankiniń aýyl sharýashylyǵy departamentiniń ahýalyn taldaý jónindegi assistenti, Shyǵys Eýropa, TMD elderiniń kýratory bolǵan (AQSh, Vashington q.). 2003 jyldan bastap 2009 jylǵa deiin «Jańa tehnologiialar. Qazaqstan» AQ-y Direktorlar keńesiniń tóraǵasy boldy, bas direktordyń laýazymyn atqarǵan. 2012-2013 jyldary QR Premer-Ministriniń keńesshisi qyzmetin atqarǵan. 2014 jyldyń aqpan aiynan tamyz aiyna deiin Qazaqstan Respýblikasynyń Indýstriia jáne jańa tehnologiialar vitse-ministri boldy. 2014 jyldyń tamyz aiynda QR Investitsiialar jáne damý ministriniń orynbasary bolǵan.
"QmD" aqparat
