Densaýlyq saqtaý ministri Aqmaral Álnazarova Erbaian Muhtardyń jaǵdaiyna qatysty pikir bildirdi. Ol áskeri boryshyn ótep júrip aýyr jaraqat alǵan edi, - dep habarlaidy Dalanews.kz.
Qaiǵyly oqiǵa 2023 jyly jeltoqsanda boldy. Sodan beri oǵan birneshe ota jasalǵan.
"Onyń jaǵdaiy turaqty. Qosymsha ońaltý jáne meditsinalyq qyzmet kórsetý úshin Erbaian keshe Ulttyq meditsinalyq ortalyqqa jatqyzyldy. Aýrýyna sáikes oǵan qajet kómek kórsetilip jatyr. Ákesi qasynda", - dedi Álnazarova Úkimet otyrysynda.
Ministr qoldanylǵan em sharalaryna qaramastan, sarbazdyń jaǵdaiy nege áli jaqsarmaǵanyn aitty.
"Onyń diagnozy óte aýyr. Jaraqatymen qatar infektsiia da boldy. Tiisti sharalar qabyldanyp jatyr. Ol (Erbaian – esk.) Túrkiiaǵa da bardy. Qazir ózimiz qosymsha tekserip jatyrmyz. Onyń ata-anasymen shetelde emdeý máselesin talqyladyq. Olar Qazaqstanda emdelýge kelisti", - dedi ol.
Aita keteiik, Erbaian Muhtar 2024 jyly jeltoqsanda aýrýhanaǵa tústi. Ulttyq ulannyń áskeri bólimindegiler ata-anasyna onyń ájethanada qulap, basyn soqqanyn aitqan. Alaida olar bul nusqaǵa senbei, Erbaian soqqyǵa jyǵylǵanyn dáleldeýge tyrysty.
Qazaqstandyqtar jas sarbazdyń emine 230 million teńge kóleminde qarajat jinady. Qazir Erbaian Muhtar Astanada, ol Túrkiiada emniń alǵashqy kezeńin aiaqtady.
Jýyrda bas áskeri prokýrordyń birinshi orynbasary Maqsat Qaziev tergeý qalai júrip jatqanyn aitty. Prokýratýra ókili naqty kúdiktiler joq ekenin de jetkizdi.
