Eýropalyq odaqqa múshe elder Reseige qarsy engiziletin 21-sanktsiialar paketi boiynsha ortaq kelisimge kele almady, dep habarlaidy dalanews.kz.
Negizgi kelispeýshilikter Reseidiń suiytylǵan tabiǵi gazyn tasymaldaýǵa qoiylatyn shekteýlerge, Raiffeisen Bank International bankine qatysty sharalarǵa jáne Resei munaiyna engiziletin ózgermeli baǵa shegin belgileý tetigine bailanysty týyndaǵan.
Sarapshylardyń aitýynsha, eger aldaǵy ýaqytta sheshim qabyldanbasa, Resei munaiyna qatysty qoldanystaǵy sanktsiialardyń tiimdiligi aitarlyqtai tómendeýi múmkin.
Soǵan qaramastan, EO elderiniń ministrleri qoldanystaǵy sanktsiialyq tizimdi keńeitýdi maquldady. Jańartylǵan tizimge sanktsiialardy ainalyp ótýge kómektesti dep esepteletin shamamen 250 kompaniia, bank qurylymy, kriptovaliýta operatorlary men munai tankerleri engizildi.
21-sanktsiialar paketi boiynsha talqylaý sársenbi kúni EO-ǵa múshe elderdiń elshileri qatysatyn kezdesýde jalǵasady.
