Úkimettiń jańa qaýlysyna sáikes, 2027 jylǵy 1 qańtardan bastap birqatar memlekettik járdemaqylardy taǵaiyndaý kezinde otbasynyń ál-aýqat deńgeii eskeriledi, dep habarlaidy dalanews.kz.
Eger azamat nemese otbasy Tsifrlyq otbasy kartasynda «A» (joǵary ál-aýqat) nemese «V» (dáýletti) sanatyna jatqyzylsa, keibir tólemder taǵaiyndalmaýy nemese toqtatylýy múmkin.
Shekteý engizilýi yqtimal tólemder qatarynda:
- bala týýǵa bailanysty járdemaqy;
- bala kútimi boiynsha tólemder;
- kópbalaly otbasylarǵa arnalǵan járdemaqy;
- múgedektigi bar adamdy kútýge bailanysty tólemder;
- asyraýshysynan aiyrylý boiynsha keibir tólemder;
- arnaiy memlekettik járdemaqylar jáne basqa da tólemder bar.
Otbasynyń jaǵdaiyn baǵalaý kezinde tabys, turǵyn úi, múlik, jumyspen qamtylý jáne kredittik mindettemeler týraly derekter eskeriledi. Sonymen qatar járdemaqy alýshylar men otbasynyń kámeletke tolǵan músheleri jeke derekterdi tekserýge kelisim berýi tiis. Kelisim bolmaǵan jaǵdaida tólem ýaqytsha toqtatylýy múmkin.
Alaida múgedektigi bar balalarǵa tólenetin járdemaqy, keibir asyraýshysynan aiyrylý tólemderi jáne birqatar arnaýly sanattarǵa beriletin tólemder boiynsha erekshelikter qarastyrylǵan.
