“Qarashyǵanaq Petroleým Opereiting” kompaniiasy qorshaǵan ortany lastaǵany úshin 739,5 million teńge aiyppul tóledi, dep habarlaidy Dalanews.kz.
Batys Qazaqstan oblysynyń arnaiy tabiǵat qorǵaý prokýratýrasy kompaniianyń shekti mólsherden asqan ziiandy zattardy aýaǵa shyǵaryp, sýǵa tókkenin anyqtaǵan. Barlyǵy 264 tonnadan astam lastaýshy zat tirkelgen.
Atalǵan quqyqbuzýshylyq úshin kásiporyn Ákimshilik quqyqbuzýshylyq týraly kodekstiń 328-baby boiynsha 739,5 million teńge kóleminde aiyppulǵa tartyldy. Prokýratýranyń málimetinshe, bul soma tolyq kólemde óndirildi.
Qarashyǵanaq — álemdegi iri gaz-kondensat ken oryndarynyń biri. Ol Qazaqstannyń batysynda ornalasqan, aýmaǵy 280 sharshy shaqyrymnan asady. Ken ornynyń qory — 2,4 milliard barrelden astam kondensat pen 16 trillion tekshe metr gaz. Jobany bes iri kompaniia — Eni, Shell, Chevron, LÝKOIL jáne QazMunaiGaz birlesip júzege asyryp jatyr.
