Birinshi jartyjyldyqtyń qorytyndysy boiynsha eldegi qylmys deńgeii 11 paiyzǵa tómendegen. Bul týraly Bas prokýror Berik Asylov málimdedi, dep habarlaidy dalanews.kz.
Adam óltirý, qaraqshylyq, tonaý, qorqytyp alý, urlyq jáne kóshelerde jasalatyn qylmystar azaiǵan.
"Kibernadzor" júiesi esirtki nasihattaý belgileri bar 10 myń materialdy, sonyń ishinde 6 myńnan asa esirtki dúkenin buǵattady. Prokýratýra men politsiia organdarynyń ózara is-qimyly nátijesinde 464 myńnan asa dropperlik shot buǵattalyp, esirtkiden túsken 2,6 mlrd teńgeden asa kiriske tyiym salyndy", - dedi ol.
Quqyq qorǵaý organdary jáne "Qazaqtelekom" AQ-nyń birlesken kúsh-jigeriniń arqasynda millionnan asa kúdikti qońyraý toqtatylyp, shetelde ornalasqan 12 alaiaqtyq koll ortalyqtyń qyzmeti áshkerelengen.
