Elbasy qabyldaýynda Baýyrjan Baibek «Nur Otan» partiiasy biyl mańyzdy saiasi naýqan kezinde tabysqa jetkenin aitty
– Biyl partiia birneshe mańyzdy saiasi naýqan ótkizdi. Eń bastysy bizder Parlament Májilisiniń sailaýyna qatysyp, jeńiske jettik. Sondai-aq, tarihymyzda alǵash ret aýyl ákimderiniń sailaýy ótti. Partiianyń ortalyq apparaty men filialdary jergilikti jerlerde aýqymdy jumys atqardy. Qarasha aiynda partiianyń Saiasi keńesiniń keńeitilgen otyrysyn ótkizý josparlanyp otyr. Onda ótken naýqandardyń qorytyndysy boiynsha kózge túsken partiia belsendileriniń eńbegin atap ótýimiz kerek, – dedi Elbasy.
«Nur Otan» partiiasynyń Tóraǵasy halyqpen tyǵyz bailanysta jumys isteýdi jalǵastyrý kerektigin aityp, sailaýaldy ýádelerdiń júzege asýyn qadaǵalaýdyń mańyzdylyǵyna toqtaldy.
– Jurtshylyqpen jumysty jalǵastyrǵan jón. Olardyń máselelerin bilý, atqarýshy bilik organdaryna jetkizý jáne sheshimin tabýyn qadaǵalaý qajet. Partiia bedelin nyǵaitýdy ári qarai jalǵastyrý kerek, – dedi Nursultan Nazarbaev.
Baýyrjan Baibek aýyl ákimderin sailaý nátijelerin baiandady, sondai-aq «Nur Otan» músheleri men elektorattyń bul protseske belsene atsalysqanyn atap ótti.
– Aýyl ákimderin tikelei sailaýdyń qorytyndysy boiynsha bizdiń partiianyń ókilderi okrýgterdiń 86 paiyzynda jeńiske jetti. Partiia arqyly sailanǵandardyń 35 paiyzy jańadan kelgender. Jalpy ákimder korpýsy 50 paiyzǵa jańardy. Olardyń ortasha jasy – 46, áielder – 11 paiyzdy, jastar – 14 paiyzdy qurady, – dedi «Nur Otan» partiiasy Tóraǵasynyń birinshi orynbasary.
Baýyrjan Baibektiń málimeti boiynsha jyl basynan beri partiianyń qoǵamdyq qabyldaýlaryna 103 myńnan astam adam habarlasyp, 20 myń azamat qabyldandy. Sondai-aq óńirlerde qoǵamdyq keńester arqyly túsken 4,5 myńnan astam ózekti áleýmettik másele partiianyń baqylaýyna alyndy.
Kezdesýde Nursultan Nazarbaevqa sailaýaldy indikatorlardyń oryndalý barysy týraly esep berildi. Sondai-aq partiianyń jastardy jáne halyqtyń áleýmettik turǵydan az qamtylǵan toptaryn qoldaý sharalary, óńirlerde partiialyq baqylaýdy qamtamasyz etý qyzmeti týraly aqparat usynyldy.
Sońynda Elbasy partiianyń ortalyq apparaty men óńirlik filialdaryna Saiasi keńestiń keńeitilgen otyrysyn ótkizýge jan-jaqty daiyndyq júrgizýdi tapsyrdy.
