Eki dárejeli komandalyq-shtabtyq oqý-jattyǵý bastaldy
Komandalyq-shtabtyq oqý-jattyǵýynyń erekshiligi – daǵdarys jaǵdaiynda memleketimizdiń áýe keńistigin qorǵaý boiynsha mindetterdi júzege asyrý barysynda basqarý organdarynyń tiisti is-qimyldardy meńgerýi. Ondaǵy maqsat – jaýyngerlik ázirlik, jaýyngerlik kezekshilik, dabyl boiynsha is-áreketter, qarý-jaraq pen áskeri tehnikany paidalanýdy uiymdastyrý, jeke quramnyń áskeri tártibi men moraldyq-psihologiialyq jai-kúii boiynsha máselelerdi tekserý.
Oqý-jattyǵý jetekshisiniń shartty ókimine sáikes, qosalqy komandalyq pýnktteri jazylyp, jaýyngerlik kezekshilik mindetterin atqarýǵa kiristi.
Atalǵan komandalyq-shtabtyq oqý-jattyǵýy Otanymyzdyń aspan qorǵaýshylarynyń teoriialyq bilimin arttyryp, ony is júzinde iske asyrýyna jáne bekitýine zor kómegi tiedi dep oilaimyn.
Azamat Jaǵalbaev, 25750 áskeri bóliminiń ofitseri (baspasóz-hatshysy), maior.
