16 tamyz kúni tańerteń Máskeý oblysyna jasalǵan dron shabýylynan Wildberries kompaniiasynyń taǵy bir qoimasy órtendi. Bul joly órt Podolsk qalasyndaǵy logistikalyq nysanda shyqqan, dep habarlaidy dalanews.kz.
Marketpleistiń baspasóz qyzmeti qyzmetkerlerdiń aldyn ala evakýatsiialanǵanyn habarlady. Qazir oqiǵa ornynda órt sóndirýshiler jumys istep jatyr. Kompaniia qoimadaǵy jumys ýaqytsha toqtaǵanymen, taýar qabyldaý jáne tapsyrystardy jóneltý úderisi basqa logistikalyq ortalyqtarǵa aýystyrylǵanyn málimdedi.
"Podolskidegi logistikalyq nysanǵa jasalǵan shabýyldan keiin órt shyqty. Qaýipsizdik talaptaryna sáikes qyzmetkerler aldyn ala evakýatsiialandy. Logistikalyq baǵyttar qaita qurylyp, taýarlardy qabyldaý men tapsyrystardy jóneltý basqa nysandarda jalǵasyp jatyr", - delingen kompaniia habarlamasynda.
