Qazaqstandyqtarǵa demalys úilerin jalǵa berý kezinde qoldanylyp jatqan jańa alaiaqtyq tásili týraly eskertý jasaldy. Alaiaqtar áleýmettik jeliler men jarnama saittaryna jalǵan habarlandyrý jariialap, aldyn ala tólem alyp, keiin bailanysqa shyqpai qoiady, dep habarlaidy dalanews.kz.
Jazǵy demalys maýsymynyń bastalýyna bailanysty internette jalǵan demalys úilerin usynatyn alaiaqtar kóbeigen. Olar tartymdy baǵamen jáne ádemi fotosýrettermen habarlandyrý jariialap, turǵyndardan bron úshin aldyn ala aqsha aýdarýdy suraidy.
Aqsha jiberilgennen keiin jalǵan jalǵa berýshiler habarsyz ketedi nemese kórsetilgen mekenjaidyń múlde joq ekeni anyqtalady. Kei jaǵdailarda olar ózgeniń demalys úiiniń sýretteri men sipattamasyn paidalanady.
Mamandar turǵyndarǵa bron jasamas buryn nysannyń naqty bar-joǵyn tekserýge, iesiniń jeke basyn rastaýǵa, pikirlermen tanysýǵa jáne kúmándi jeke shottarǵa aldyn ala aqsha aýdarmaýǵa keńes beredi.
