Qazaqstan quramasynyń shabýylshysy Dastan Sátbaev resmi túrde Londonnyń “Chelsi” klýbynyń oiynshysy atandy, dep habarlaidy dalanews.kz.
12 tamyzda qazaqstandyq fýtbolshy 18 jasqa toldy. Osyǵan bailanysty onyń aǵylshyn klýbymen jasasqan kelisimsharty resmi túrde kúshine endi.
Eske salaiyq, buǵan deiin Dastan Sátbaev “Chelsi” sapyndaǵy alǵashqy oiynyn ótkizdi. Ol Avstraliiada ótken Sydney Super Cup-2026 týrnirinde “Vestern Sidnei Ýonderers” komandasyna qarsy alańǵa shyǵyp, londondyq klýbtaǵy alǵashqy golyn soqty. Keiin bul dop týrnirdiń “úzdik goly” dep tanyldy.
