Belgili saiasattanýshy Daniiar Áshimbaev sý tasqynyna bailanysty bolǵan aqparattyq shabýyldar týraly aitty. Sarapshylar Áshimbaevtyń jazbasyna qatysty taldaý jasaǵan, - dep habarlaidy Dalanews.kz.
Saiasattanýshy telegram arnasynda "sý tasqynyna qatysty bolyp jatqan aqparattyq kampaniialarǵa "Eski Qazaqstan" ókilderiniń qatysy joǵyn" aitty.
"Barlyq kiná dástúr boiynsha "Eski Qazaqstanǵa" artyla bastady. Meniń oiymsha, mundai áreketter memlekettiń bedeline qatty nuqsan keltiredi. Halyq kináli adamdardyń jazalanyp qana qoimai, eldegi jaǵdaidyń turaqtalǵanyn, shyǵyn ótelgenin, al eń bastysy – tótenshe jaǵdaidy neden shyqqanyn, buǵan deiingi josparlardyń oryndalmaý sebebin anyqtaýdy jáne sý tasqynyna qarsy tiimdi júie qalyptasqanyn qalaidy", - deidi saiasattanýshy.
Áshimbaevtyń bul jazbasy "Nýrsýltanskii solovei" telegram-arnasyndaǵy sarapshylardyń kózine túsken.
"Bir sheti Áshimbaev belgili bir saiasi kúshter mundai aqparattyq kampaniialardy qazaqstandyq segmentte maqsatty túrde júrgizip otyrǵanyn joqqa shyǵarmaidy. Degenmen mundai destrýktiv árekettiń artynda tuńǵysh prezidenttiń otbasymen bailanysy bar qazaqstandyq saiasi jáne isker elita tur degenge senbeidi. Al bul onyń áriptesteri "Elmedia" avtory men oppozitsiia qairatkeri Gúljan Erǵalieva men Orda kz portalynyń bas redaktory Gúlnara Bajkenovanyń oiyna qaishy. Mysaly "Elmedia" avtorlary "Jańa Qazaqstan" biliginiń bedelin túsirýge qarsy aqparattyq kampaniia júrip jatqanyn, onyń artynda Dariǵa Nazarbaeva turǵanyn jáne ol Toqaevtyń aldaǵy eki jylda otstavkaǵa ketkenin qalap otyrǵanyn aitsa, Orda kz avtorlary qazaqstandyq segmentte mundai destrýktivti aqparattyq naýqandy "Nazarbaev Qorynyń" qyzmetkerleri tikelei baqylap otyrǵanyn aitady", - deidi kanal avtorlary.
Kanal sarapshylary "Eski Qazaqstan" ókilderiniń sý tasqyny sekildi problemalarǵa qatysty joq degen Áshimbaevtyń pikirine qatysty oiyn aitty.
"Áshimbaev aqparattyq kampaniialardyń artynda belgili bir kúsh ieleri turǵanyn, olar Qazaqstanda emes ekenin aityp, alaida oǵan destrýktivti saiasi kúshterdi tartý úshin saiasi jáne qarjylyq yqpaly bar, Qazaqstannyń ishinde de júrgen azamattyq belsendiler, tipti BAQ-tardyń qatysy baryn aitady", - deidi telegram arna avtorlary.
Eske salaiyq, buǵan deiin májilis depýtaty Erlan Sairov Toqaevty aqparattyq deńgeide diskreditatsiialaý júrip jatqanyn aitqan edi. Depýtattyń sózinshe, eldegi revanshistik kúshter elge túsken árbir aýyrtpalyqty paidalanyp, qazirgi prezidentti jamandaýǵa daiyn otyrady.
Sairovtyń sózinshe, olardyń jospary boiynsha qazirgi tańda prezidentti aqparattyq deńgeide deskreditatsiialaý bolyp jatyr.
Sonymen qatar, buǵan deiin Eski Qazaqstan eks-prezidenttiń úgit-nasihatyn kúsheite bastaǵanyn jazǵan edik. Áleýmettik jelide Eski Qazaqstandy jaqtaýshylar belsendi bola bastaǵan.
Eski Qazaqstandy jaqtaýshylar ásirese TikTok-ta belsendi jumys júrgize bastaǵan. Jelide taraǵan videolardyń mazmuny bir sarynda – Nazarbaev bilikte otyrǵan kezde halyqtyń jaǵdaiy jaqsy bolypty-mys.
Paraqshalarda Nazarbaevtyń halyqqa jaqsy kórinip qalǵan tustaryn, sheneýnikterdi sógip jatqan sátterin kórsetip, adamdarǵa psihologiialyq turǵyda áser etetin videolardy jariialai bastaǵan.
Sondai paraqshalardyń biri – "Elbasy Nazarbaev" dep atalǵan TikTok arna. Paraqshada qazirgi ýaqytta 98 myńǵa jýyq oqyrman bar. Videolar milliondap qaralym jinap úlgergen.
Al kúni keshe Nazarbaev qory "Eski Qazaqstan Toqaevqa qarsy aqparattyq naýqan júrgizip jatyr" degen oilarǵa qatysty jaýap qatty.
"Qazaqstanda sý tasqyny bolyp, ahýal ótkir sipat alyp turǵan shaqta keibir áleýmettik media Nursultan Nazarbaev Qory "biliktiń bedelin túsirýge jáne qoǵamdyq-saiasi jaǵdaidy turaqsyzdandyrýǵa baǵyttalǵan aqparattyq naýqan" júrgizip otyr dep jariialady. Jasyryn derekkóz jariialaǵan aqparatty jeke tulǵalar da aityp, negizsiz aiyp taqty", - delingen habarlamada.
Nursultan Nazarbaev Qory bul jariialanym men málimdemeniń eshqandai obektivti ári naqty negizi joq ekenin aitady. Olar qoǵamǵa shynaiy jáne senimdi aqparat berýdiń mańyzdylyǵyn atap kórsetedi.
“Nursultan Nazarbaev Qorynyń qyzmetinde saiasi da, aqparattyq-manipýliatsiialyq ta sipat joq. Qordyń jumysy tek áleýmettik jobalar men azamattyq bastamalardy damytýǵa, el jastardy qoldaýǵa, qaiyrymdylyq kómek kórsetýge baǵyttalǵan. Buǵan qosa, Nursultan Nazarbaev Memleket basshysy Qasym-Jomart Toqaevty jáne onyń saiasi baǵytyn árdaiym qoldaǵanyn jáne qoldaitynyn aitamyz. Bul kúnderi el turǵyndary siiaqty Tuńǵysh Prezident te sý tasqynynan zardap shekken jandarǵa alańdap otyr. Biz Memleket basshysy men Úkimettiń el óńirlerinde buryn-sońdy bolmaǵan sý tasqynynyń saldaryn joiý jónindegi sharasyn tolyǵymen qoldaimyz”, - deidi qordaǵylar.
Málimdemege súiensek, Nursultan Nazarbaev qory zardap shekken óńir turǵyndaryn qoldaý úshin alǵashqylardyń biri bolyp aqsha aýdaryp, qarjylai kómek kórsetken eken.
