Almaty qalasynyń Medeý aýdandyq №2 soty burynǵy din qyzmetkeri Iakov Vorontsovty 2,44 gramm psihotroptyq zatty zańsyz saqtaǵany úshin kináli dep tanydy. Bul kólem zań boiynsha asa iri mólsher sanatyna jatady, dep habarlaidy dalanews.kz.
Is jabyq rejimde qaraldy. Bastapqyda Vorontsovqa esirtki qoldanylatyn oryn uiymdastyrdy degen aiyp ta taǵylǵan. Alaida keiin bul aiyp is materialdarynan alynyp tastaldy. Sot úkimimen Vorontsov 6 jylǵa bas bostandyǵynan aiyryldy. Keiin raqymshylyqqa ilinýine bailanysty jaza merzimi 4 jylǵa deiin qysqartyldy.
Vorontsov óz kinásin moiyndamaidy jáne istiń qoldan uiymdastyrylǵanyn aitady. Qorǵaýshy taraptyń málimdeýinshe, tintý kezinde onyń úiinen tabylǵan tyiym salynǵan zat salynǵan úsh pakettiń naqty kimge tiesili ekeni dáleldenbegen.
Sonymen qatar buǵan deiin áleýmettik jelilerde Vorontsovtyń ustalǵannan keiin meditsinalyq kýálandyrý kezinde ózin esirtkige táýeldi adam retinde tanystyrǵan videosy taraǵan bolatyn.
