Qazaqstanda ańshy inspektorlaryna qolkisen men kólikti toqtatýǵa arnalǵan arnaiy qurylǵylar beriledi. Ekologiia jáne tabiǵi resýrstar ministrligi janýarlar dúniesin qorǵaityn qyzmetkerler paidalanatyn quraldardyń tizimin bekitti, dep habarlaidy dalanews.kz.
Qujatqa sáikes, inspektorlar qolkisenmen, arnaiy rezeńke taiaqpen, soqqydan qorǵaityn keýdeshemen jáne jarqyldaityn belgi berý shamymen jabdyqtalady. Sondai-aq olarǵa kúdikti kóliktiń qashyp ketýine jol bermeitin "Ej-M" qurylǵysy beriledi. Jolǵa tóseletin bul qural kólik dóńgelegin tesip, ony májbúrli túrde toqtatýǵa múmkindik beredi. Jańa tártip janýarlardy zańsyz aýlaý jáne basqa da quqyq buzýshylyqtarmen kúresetin memlekettik inspektorlarǵa qatysty bolady.
