Batys Qazaqstan oblysynda azamattarǵa jer telimderin berý konkýrsynyń qorytyndysy boiynsha jer komissiiasy qabyldaǵan sheshimder zańsyz dep tanyldy, dep habarlaidy dalanews.kz.
BQO sotynyń málimetinshe, Aqjaiyq aýdanynyń ákimi men aýdandyq jer qatynastary bólimine qatysty azamattar ákimshilik talap aryz bergen. Olar jer komissiiasynyń konkýrs qorytyndysy boiynsha qabyldaǵan sheshimderin, sol sheshimder negizinde jerdi ýaqytsha aqyly paidalanýǵa berý týraly ákimdik qaýlylaryn jáne jasalǵan jaldaý sharttaryn zańsyz dep tanýdy suraǵan.
Sot barysynda jer telimderin berý konkýrsyn uiymdastyrý jáne ótkizý kezinde Jer kodeksi men konkýrs ótkizý qaǵidalarynyń talaptary buzylǵany anyqtalǵan.
Atap aitqanda, ótinimderdi qabyldaý jáne qaraý, qatysýshylardy baǵalaý, jeńimpazdardy anyqtaý kezinde zań talaptary saqtalmaǵan. Sonymen qatar konkýrsqa qatysýshylardyń qujattary tiisti deńgeide tekserilmegen, al komissiianyń qorytyndy sheshimderinde jetkilikti negizdeme bolmaǵan.
Sot talap aryzdardy ishinara qanaǵattandyryp, jer komissiiasynyń qorytyndy hattamalaryn jáne olardyń negizinde qabyldanǵan ákimdik qaýlylaryn zańsyz dep tanyp, kúshin joidy.
Osy qaýlylar negizinde jasalǵan jer telimderin jalǵa berý sharttary da jaramsyz dep tanyldy.
Budan bólek, Aqjaiyq aýdanynyń ákimdigine jer komissiiasynyń otyrysyn zań talaptaryna sáikes qaita ótkizý mindetteldi.
