Qazaqstan áýejailarynda bomba týraly "ázil" aitqany úshin qylmystyq jaýapkershilikke tartylýy múmkin ekeni eskertile bastady, dep habarlaidy dalanews.kz.
Bas kólik prokýratýrasynyń bastamasymen halyqaralyq áýejailardaǵy otyrǵyzý talondarynyń artqy jaǵyna terrorizm aktisi týraly kórineý jalǵan habar bergeni úshin qylmystyq jaýapkershilik qarastyrylǵany jáne keibir zattardy ushaqpen tasymaldaýǵa tyiym salynatyny týraly eskertý ornalastyryldy.
Endi jolaýshylar bomba týraly oilanbai aitylǵan "ázildiń" ózi qylmystyq jaýapkershilikke ákep soǵýy múmkin ekenin aldyn ala biledi. Jadnamada kastet, atys qarýy, oq-dári jáne basqa da qaýipti zattardy tasymaldaýǵa tyiym salynǵany kórsetilgen.
Bul tájiribe Astana, Almaty, Túrkistan jáne Qaraǵandy áýejailarynda engizildi. Aldaǵy ýaqytta mundai eskertýlerdi eldiń basqa áýejailaryna da ornalastyrý josparlanyp otyr.
