Bloger Erbolat Janabylov jubaiy Elmira Tólegenovamen bolǵan turmystyq janjaldan keiin ákimshilik jaýapkershilikke tartyldy. Bul týraly politsiia habarlady, dep habarlaidy dalanews.kz.
Quqyq qorǵaý organdarynyń málimetinshe, 30 qyrkúiekte áleýmettik jelilerge monitoring júrgizý barysynda Elmira Tólegenovanyń Threads platformasynda jariialaǵan jazbasy anyqtalǵan. Videoda ol jubaiymen arada janjal bolǵanyn aityp, qolyndaǵy qyzarǵan izderdi kórsetken.
Oqiǵa ornyna politsiia qyzmetkerleri baryp, tekserý júrgizgen. Nátijesinde erli-zaiyptylar arasynda turmystyq janjal bolǵany belgili bolǵan. Alaida Tólegenova politsiiaǵa resmi aryz jazýdan bas tartqan.
Soǵan qaramastan, Erbolat Janabylovqa qatysty otbasylyq-turmystyq qatynastar salasyndaǵy quqyqqa qaishy áreketter boiynsha ákimshilik hattama toltyryldy. Ol ýaqytsha ustaý bólmesine qamalyp, is materialdary sotqa joldanǵan.
Sondai-aq politsiia Janabylovtyń buǵan deiin de probatsiialyq baqylaý talaptaryn buzǵanyn málimdedi.
Vedomstvo dereginshe, 28 tamyz kúni saǵat 22:00-den keiin ol kórsetilgen mekenjaida bolmaǵan. Osy jait boiynsha jinalǵan materialdar da sot qaraýyna jiberilgen.
