Astanada «Ádilet» partiiasynyń Respýblikalyq sailaýaldy shtabynyń qorytyndy otyrysy ótti, dep habarlaidy dalanews.kz.
Jiynda bir aiǵa sozylǵan úgit-nasihat naýqanynyń nátijeleri jariialanyp, 23 tamyzda ótetin daýys berý kúnine shtabtar, senimdi ókilder men baiqaýshylardyń daiyndyǵy pysyqtaldy.
Partiia málimetinshe, sailaýaldy naýqan kezinde elimizdiń barlyq óńirinde 247 shtab jumys istegen. Kandidattar men shtab ókilderi kásiporyndarda, bazarlarda, aýyldarda jáne túrli qoǵamdyq alańdarda turǵyndarmen kezdesýler ótkizdi.
Jiynda Quryltai depýtattyǵyna kandidat Armangúl Toqtamurat «Ádiletti Qazaqstan úshin» mobildi kerýeniniń qorytyndysy týraly aitty.
«27 kún ishinde bizdiń komandalar 17 oblysty aralap, 13 872 shaqyrym jol júrdi. 99 eldi mekende bolyp, 14 myńǵa jýyq turǵynmen kezdesti. Eki myńnan astam usynys jinaldy. Turǵyndar kótergen máselelerdi partiia aldaǵy jumysynda nazarǵa alady», – dedi kandidat.
«Ádilet» partiiasynyń tóraǵasy Aibek Dádebai partiianyń saiasi baǵytynyń negizinde Memleket basshysynyń reformalaryn qoldaý jáne jańa Konstitýtsiia qaǵidattaryn iske asyrý jatqanyn atap ótti.
«Prezidentimiz Qasym-Jomart Kemeluly Toqaevtyń reformatorlyq baǵytynyń arqasynda elimizde iri jobalar júzege asyrylyp, infraqurylym damyp, ekonomika jańǵyryp keledi. Halyq qalalar men aýyldardaǵy oń ózgeristerdi kúndelikti ómirinen kórip, sezinip otyr. Árine, qordalanǵan máselelerdiń bárin birden sheshý múmkin emes. Jańa Konstitýtsiiamyz olardy júieli sheshýdiń berik negizin qalap, el damýynyń jańa kezeńine jol ashty. Bizdiń maqsatymyz – onyń erejelerin iske asyryp, halyqtyń ómirine naqty oń ózgerister ákelý», - dedi ol.
Almaty qalalyq shtabynyń ókili Didarbek Dildebektiń aitýynsha, qaladaǵy mobildi toptar 1,36 million adamdy qamtyǵan. Olar «Esikten esikke» aktsiiasy barysynda 2,41 millionnan astam azamatqa baryp, 6,2 million dana úgit materialyn taratqan. Astanada 630-dan astam kezdesý ótip, oǵan 580 myńnan astam adam qatysqan. Shyǵys Qazaqstan oblysynda eki myńnan astam kezdesý uiymdastyrylyp, 314 myń adam qamtylsa, Batys Qazaqstan oblysynda 1,6 myń kezdesý ótkizilip, oǵan shamamen 430 myń adam qatysqan.
Jiynda partiianyń senimdi ókilderiniń sany 30 myń adamǵa jetkeni aityldy. Solardyń biri, «STEM akademiiasy» kompaniiasynyń jetekshisi Zalqarbek Muratáliuly kezdesýler barysynda partiianyń ustanymyn jetkizip qana qoimai, turǵyndardyń suraqtary men usynystaryn jinaǵandaryn aitty.
Bir aiǵa sozylǵan úgit-nasihat naýqanynyń nátijesinde el boiynsha myńdaǵan kezdesý ótip, ondaǵan myń usynys jinaldy. Partiianyń senimdi ókilderiniń sany 30 myńǵa jetti.
Daiyndaǵan:
«Ádilet» partiiasynyń baspasóz qyzmeti.
«Ádilet» partiiasy» QB sailaý qorynyń qarajaty esebinen tólendi.
Tapsyrys berýshi: N.T. Myńjasarov.
