«Baitaq» jasyldar partiiasynyń V kezekten tys sezi bastalar aldynda sezd ótetin orynnyń kireberisinde daý shyqty, dep habarlaidy dalanews.kz.
Birqatar partiia músheleri men óńirlik filial ókilderi ózderin is-sharaǵa kirgizbegenin aityp, narazylyq bildirdi.
Áleýmettik jelilerde taraǵan videoda partiianyń birqatar ókilderi sezge tirkelgenine qaramastan ǵimaratqa óte almai turǵandaryn aityp, uiymdastyrýshylardan túsinikteme talap etedi.
«Biz partiia múshesimiz. Bizdi ne úshin kirgizbei jatyrsyzdar? Bul partiianyń sezi. Biz óz quqyǵymyzdy talap etip turmyz», – deidi videodaǵy qatysýshylardyń biri.
Videoda aitylǵandai, kire almaǵandardyń arasynda partiianyń óńirlik filialdarynyń jetekshileri men músheleri bolǵan. Olar sezge qatysýǵa kelgenderin, alaida ǵimaratqa ótkizilmegenderin málimdeidi.
Partiianyń resmi saitynda V kezekten tys sezge óńirlik filialdardan delegattar qatysatyny, kún tártibine sailaýaldy baǵdarlamany bekitý, Quryltai depýtattyǵyna kandidattardy usyný jáne partiia jarǵysyna ózgerister engizý máseleleri engizilgeni habarlanǵan.
Oqiǵaǵa qatysty partiia basshylyǵy ázirge resmi túsinikteme bergen joq.
