Premer-ministr Oljas Bektenov energetika nysandaryn aldaǵy jylytý maýsymyna daiyndaý jumystaryn jedeldetýdi tapsyrdy. Bul týraly ol búgingi Úkimet otyrysynda málimdedi, dep habarlaidy dalanews.kz.
Jylytý maýsymy bastalýyna shamamen bir ai qalǵanyn aitqan premer-ministr soltústik óńirlerde daiyndyqqa bólingen ýaqyt odan da az ekenin atap ótti. Onyń sózinshe, birqatar óńirde jóndeý jumystary belgilengen merzimde aiaqtalmaý qaýpi bar.
"Kókshetaý, Temirtaý, Jezqazǵan qalalarynda osyndai qaýip baiqalyp otyr. Sonymen qatar, Almaty jáne Soltústik Qazaqstan oblystarynda jylý jelilerin jóndeý jumystary baiaý júrip jatyr", - dedi Oljas Bektenov.
Premer-ministr qysqa daiyndyqqa jaýapty óńirlik shtabtardyń jumysyna da syn aitty. Onyń sózinshe, keibir óńirlerde shtabtar naqty jumystyń ornyna esep tyńdaýmen ǵana shektelip otyr.
"Jylytý maýsymyna daiyndyqqa bulai salǵyrt qaraýǵa bolmaidy. Júrgizilip jatqan jumystardy turaqty baqylaýda ustap, naqty sheshimder qabyldaý qajet", - dedi Úkimet basshysy.
Oljas Bektenov energiia kózderin jóndeý merzimi sozylýyna da nazar aýdardy. Ol belgilengen kesteden keshikken ár jaǵdai boiynsha jaýapty tulǵalarǵa shara qoldanýdy tapsyrdy.
Qazir energiia kásiporyndarynyń jylytý maýsymyna daiyndyq pasporttaryn alý jumysy bastaldy. Osyǵan bailanysty ákimderge energiia nysandarynyń qysqa daiyndyǵyn baǵalaityn komissiialardyń jumysyna tikelei qatysý tapsyryldy.
Premer-ministr energiia kózderi, jylý jáne elektr jelileriniń jaǵdaiyn turaqty tekserip, jóndeý jumystarynyń barysyn jáne qajet materialdar jetkilikti bolýyn baqylaýdy mindettedi. Ol daiyndyq pasporty alynbai turyp, jylytý maýsymyn bastaǵan basshylar jaýapkershilikke tartylatynyn eskertti.
Oljas Bektenov artta qalǵan óńirler anyqtalǵan kemshilikterdi tez arada joiyp, jylytý maýsymyn belgilengen merzimde bastaýǵa tiis ekenin aitty.
