Biyl birinshi synypqa qabyldanǵan balalardyń 71,1%-dan astamy qazaq tilinde bilim beretin synyptardy tańdady, dep habarlaidy dalanews.kz.
Bul týraly Úkimet otyrysynda Oqý-aǵartý ministri Juldyz Súleimenova málimdedi.
Ministrdiń aitýynsha, 2026 jyly birinshi synypqa 380 myńnan astam balany qabyldaý josparlanǵan. Qujattardy qabyldaý 27 mamyrdan 31 tamyzǵa deiin kezeń-kezeńimen júrgiziledi.
«Qabyldanǵan balalardyń 71,1%-dan astamy qazaq tilinde, 26,6%-dan astamy orys tilinde, al 2,3%-y basqa tilderde bilim beretin synyptardy tańdady», dedi Juldyz Súleimenova.
Sonymen qatar biyl erekshe bilim berý qajettilikteri bar 4 202 bala bilim berý uiymdaryna qabyldandy.
Birinshi synypqa qabyldaý kezinde ata-analardyń 88,7%-dan astamy ótinishti elektrondy formatta QazTech platformasy arqyly bergen.
Ministrdiń málimetinshe, birinshi synypqa qabyldaý jumystary bekitilgen kestege sáikes júrgizilýde.
