Qoǵam qairatkeri ári ánshi Bekbolat Tileýhan jýrnalist Aman Tasyǵanǵa bergen suhbatynda kezinde ózine jasalǵan qysymdar týraly sóz qozǵady, dep habarlaidy dalanews.kz.
Suhbattyń áleýmettik jelide taraǵan úzindisinde jýrnalist odan qandai qysym kórgenin suraǵan. Bekbolat Tileýhannyń aitýynsha, syn men qysym kóbine onyń dini ustanymy men kópshilik aldynda aitqan pikirlerine bailanysty bolǵan.
"Namazyma tiisti, sóilegen sózime de tiisti. Qai jerde kóp sóilesem, sodan min izdedi", – dedi ol.
Áńgime barysynda Bekbolat Tileýhan júrgizýshiniń suraq qoiý tásiline de ázilmen toqtaldy. Onyń sózinshe, adamdy uzaq sóiletkende sózden jańylyp nemese artyq pikir aityp qalýy múmkin.
"Sen de maǵan qysym kórsetip otyrsyń. Adamdy shaqyryp alyp, kóp sóilete beresiń. Kóp sóilegen soń sózden súrinesiń, sodan keiin sol tusyn terip alasyńdar", – dedi qoǵam qairatkeri.
«Qalai bar, solai beremin. Ýaiymdamańyz», – dedi jýrnalist.
