Búgin Jetisý oblysynyń ákimi Beibit Isabaev Qazaqstan tarihynda tuńǵysh ret ótip otyrǵan Quryltai sailaýynda daýys berdi. Ol zaiybymen Taldyqorǵandaǵy I. Jansúgirov atyndaǵy Mádeniet saraiynda ornalasqan №389 sailaý ýchaskesine keldi. Óńir basshysy bul sailaýdyń eldiń aldaǵy ósip-órkendeýindegi mańyzyn atap ótti, dep habarlaidy dalanews.kz dep habarlaidy Jetisý oblysy ákiminiń baspasóz qyzmetine silteme jasap.
- Men ózimniń Qazaqstan Respýblikasynyń azamaty retindegi konstitýtsiialyq quqyǵymdy paidalanyp, el tarihynda birinshi ret sailanyp otyrǵan Quryltaidyń sailaýyna qatyp, óz tańdaýymdy jasadym. Sol arqyly elimizdiń bolashaǵyna, ekonomikalyq-áleýmettik damýyna, memlekettiń qýattylyǵy men turaqtylyǵyna daýys berdim. Jańadan sailanyp otyrǵan Quryltai Qazaqstannyń ósip-órkendeýine laiyqty qyzmet etedi dep senemin, - dedi B. Isabaev.
Atap ótsek, oblystaǵy sailaýshylardyń jalpy sany 443 220 adam, onyń 5 503-i alǵash ret daýys beredi. Óńirde 468 sailaý ýchaskesi bar, olar tańǵy saǵat 7.00-den bastap jumys isteidi, onyń ishinde 428-i azamattardyń tirkelgen jeri boiynsha, 40-y qoljetimdiligi shekteýli ýchaskeler, onyń ishinde: áskeri bólimder, ýaqytsha ustaý izoliatorlary), statsionarlyq emdeý-profilaktikalyq mekemeleri, arnaýly áleýmettik qyzmetter kórsetý ortalyǵy bar.
Oblys kóleminde 184 ýchaskede azamattardy tirkeýdi tekserý boiynsha onlain-servis, 5 ýchaskede azamattardy tirkeý boiynsha servis jumys isteýde.
Erekshe qajettilikteri bar azamattardyń kedergisiz daýys berýin qamtamasyz etýge sailaý ýchaskelerinde erekshe nazar aýdaryldy. Atap aitqanda, taktildi kórsetkishter, pandýstar, kreslo-arbalardy paidalanatyn sailaýshylarǵa arnalǵan arnaiy keń kabinalar, Brail qarpimen jazylǵan trafaretter, aýdiomaterialdar, qulaqqaptar, ulǵaitqysh áinekter, sondai-aq zaǵip jáne nashar kóretin sailaýshylarǵa arnalǵan baǵdarlamalyq sheshimder ornatyldy. 33 «Invataksi» avtokóligi jumyldyrylýda.
Sailaýdyń ashyqtyǵy men zańdylyǵyn qamtamasyz etý úshin 479 komissiia jumys isteýde, onyń 11-i aýmaqtyq, 468-i ýchaskelik komissiia. Jalpy, bul jumysqa 2 989 komissiia múshesi qatysyp, daýys berý barysyn baqylap, uiymdastyrý is-sharalaryn júzege asyrýda.
Barlyq sailaý ýchaskeleri saǵat 20:00-ge deiin jumys isteidi.
