Jambyl oblysynyń Merke aýylynda jas kelinshek kóz jumyp, artynda segiz ailyq sábii qaldy. Qaiǵyly oqiǵaǵa qatysty málimetti zańger Álmira Amangeldieva jariialady, dep habarlaidy dalanews.kz.
Zańgerdiń aitýynsha, marqum áiel qaiǵyly jaǵdaiǵa deiin jaqyn qurbysymen hat almasqan. Habarlamalarynda ol otbasyndaǵy janjal týraly aityp, kúieýiniń ózine kúsh kórsetkenin jazǵan.
Kelinshektiń sózinshe, kezekti janjalǵa ózi jegen «Barni» shokoladty pechenesi sebep bolǵan. Sondai-aq ol hattarynda jubaiymen ajyrasýdy josparlap júrgenin aityp, qurbysynan qaryz suraǵan.
Keiin áieldiń qaitys bolǵany belgili boldy. Artynda segiz ailyq sábii qalǵan. Alaida oqiǵanyń naqty mán-jaiy, áieldiń soqqyǵa jyǵylǵany týraly aqparat jáne otbasyndaǵy janjaldyń onyń ólimine qandai da bir qatysy bar-joǵy ázirge resmi túrde rastalǵan joq.
