«Baitaq» jasyldar partiiasynyń V kezekten tys sezinde partiianyń saiasi biýrosynyń múshesi Asqar Imanaliev partiia tóraǵasy Azamathan Ámirtaidy qaita sailaý máselesin kún tártibine shyǵarýdy usyndy, dep habarlaidy dalanews.kz.
«Aldymyzda sailaý naýqany tur. Osy kezeńde partiianyń jańarǵanyn naqty kórsetýimiz kerek. Barlyq partiialar óz tóraǵalaryn jańartty. Prezident te memlekettik qyzmetti, memlekettik qurylymdy reformalaý, zań shyǵarýshy bilikti jáne partiialardy kúsheitý qajettigin aitty. Sondyqtan osy máseleni kóterýimiz kerek», – dedi Imanaliev sezd barysynda.
Onyń aitýynsha, bul bastama qazirgi partiia tóraǵasyna qarsylyq emes, kerisinshe onyń legitimdigin kúsheitýge baǵyttalǵan.
«Eger barlyǵy qazirgi tóraǵany qoldasa, onda onyń qaita sailaný máselesin kún tártibine qoiaiyq. Eger delegattar qoldasa, bul onyń pozitsiiasyn odan ári nyǵaitady. Osy batyl máseleni qarastyraiyq», – dedi ol.
Alaida prezidiým ókilderi sózin bólip, sezd reglamentin saqtaýdy surady. Budan keiin júrgizýshi jýrnalisterge oryndaryna otyrýdy ótinip, tártipti buzbaýǵa shaqyrdy.
Aita keteiik, «Baitaq» partiiasynyń V kezekten tys seziniń resmi kún tártibine partiia tóraǵasyn qaita sailaý máselesi engizilmegen. Sezde Quryltai depýtattaryn sailaýǵa arnalǵan sailaýaldy baǵdarlamany bekitý, kandidattardy usyný jáne partiia jarǵysyna ózgerister engizý josparlanǵan bolatyn.
