«Baitaq» jasyldar partiiasy V kezekten tys sezinde Quryltai depýtattaryn sailaýǵa qatysatyn 51 kandidatty usyndy, dep habarlaidy dalanews.kz.
Partiia tóraǵasy Azamathan Ámirtaidyń aitýynsha, kezekten tys sezdiń ótkizilýi 1 shildeden bastap kúshine engen jańa Konstitýtsiiamen bailanysty.
«23 tamyzda el alǵash ret bir palataly Parlamentti sailaidy. Bul kezekti sailaý emes, Prezident bastaǵan memleket tarihyndaǵy jańa bet. Sol bette “ekologiia” degen sóz jazylýy kerek. Eger ony biz jazbasaq, eshkim jazbaidy», – dedi ol.
Ámirtaidyń sózinshe, «Baitaq» partiiasy Prezidenttiń Jańa Qazaqstan qurý baǵytyn qoldaidy jáne Quryltaida ekologiialyq saiasat máselelerin ilgeriletýdi maqsat etedi.
Onyń aitýynsha, partiialyq tizimge ártúrli mamandyq ieleri engizilgen. Kandidattardyń qatarynda ekologtar, dárigerler, muǵalimder, injenerler men volonterler bar. Sonymen birge tizimniń úshten birin áielder men jastar quraidy.
«Elimiz bizdiń tizimdi kórip, munda kreslodan kresloǵa aýysýdy kózdeitin sheneýnikter emes, ekologtar, dárigerler, muǵalimder, injenerler, volonterler bar ekenin túsinsin. Olar – sailaý týraly áńgime shyqpai turyp-aq órt sóndirip, ózen-kól jaǵalaryn tazalap, aýlalarda eńbek etken adamdar», – dedi partiia tóraǵasy.
Aita keteiik, buǵan deiin Quryltai sailaýyna qatysatyn kandidattar tizimin basqa saiasi partiialar da bekitti. «Aýyl» partiiasy - 69, «Aq jol» - 63, Qazaqstan Halyq partiiasy - 72, Respublica - 76, al Jalpyulttyq sotsial-demokratiialyq partiiasy 33 kandidatty usyndy.
