Aqtóbede Baian Alagózova men Dinara Sátjanǵa qatysty jala jabý isi boiynsha sot sheshimi shyqty. Emshi Baǵdagúl Lepesova kináli dep tanylyp, oǵan 1 mln 557 myń teńge aiyppul salyndy, dep habarlaidy dalanews.kz.
Qogam by Satzhangram telegram arnasynyń málimetinshe, sot otyrysynda Lepesova taǵylǵan aiypty moiyndamai, daýly videony áleýmettik jelige ózi jariialamaǵanyn alǵa tartqan. Al Baian Alagózova beinejazbada óziniń ar-namysy men qadir-qasietine nuqsan keltiretin sózder aitylǵanyn málimdep, emshini keshirmeitinin jetkizdi.
Is aiasynda júrgizilgen saraptama beinejazbada jala jabý belgileri bar ekenin rastaǵan.
Nátijesinde sot Baǵdagúl Lepesovany Ákimshilik quqyq buzýshylyq týraly kodekstiń "Jala jabý" baby boiynsha kináli dep tanyp, 1 557 000 teńge aiyppul tóleýge mindettedi. Sot belgilegen aiyppul 30 táýlik ishinde ótelýi tiis.
Budan bólek, Baǵdagúl Lepesovaǵa qatysty Astanada "Qorlaý" baby boiynsha qozǵalǵan qylmystyq is jeke qaralyp jatyr.
